តារា​ស្រី​កូរ៉េខាងត្បូង ស្លៀកពាក់​បែបណា កាលពី​សប្ដាហ៍​ដំបូង នៃ​ខែកញ្ញា?

នៅក្នុង​បណ្ដា​ស្ទីល​ស្លៀកពាក់​របស់​តារា​កូរ៉េខាងត្បូង ដែល​បាន​បង្ហាញខ្លួន​នៅ​ទីសាធារណៈ កាលពី​សប្ដាហ៍​ទីមួយ​នៃ​ខែកញ្ញា​នេះ តើ​អ្នក​យល់ថា ស្ទីល​មួយណា​ស្អាត​ជាងគេ ហើយ​ស្ទីល​មួយណា ដែល​ស័ក្ដិសម​សម្រាប់​អ្នក?

 

Tiffany តារាចម្រៀង​ក្នុង​ក្រុម SNSD របស់​កូរ៉េខាងត្បូង បង្ហាញ​ភាពជា​នារី​វ័យក្មេង នៅពេល​ពាក់អាវ​សិ​មិ​ស​ចំហ​ឡេវ ពី​ក្រៅ​អាវយឺត​ពណ៌​ប្រផេះ និង​ខោខ្លី​លើ​គល់ភ្លៅ។ Stephanie Hwang ឬ Hwang Mi-young កើត​ឆ្នាំ ១៩៨៩ ដែល​គេ​ស្គាល់​ថា Tiffany (SNSD) នេះ ប្រើប្រាស់​ស្បែកជើង sneaker ដ៏​ក្រាស និង​ស្រោម​ជើងវែង លើ​ក្បាលជង្គង់។

Seohyun (Seo Joo-hyun កើត​ឆ្នាំ ១៩៩១) បង្ហាញខ្លួន​នៅឯ​ព្រលានយន្ដហោះ ជាមួយ​សមាជិក​របស់ SNSD ។ តារាចម្រៀង​ស្រី​រូបនេះ ស្លៀក​រ៉ូ​ប​យឺត maxi cotton សាមញ្ញ និង​ស្បែកជើង ខ្សែ sandal មាន​បាត​ស្ដើង ប៉ុន្ដែ​នៅតែ​អាច​បញ្ចេញ​សម្រស់​ដ៏​ទាក់ទាញ​របស់​នាង។

ចំណែក​តារា​ជនជាតិ​កូរ៉េខាងត្បូង កើត​នៅ​អាមេរិក នាង Jessica Jung (Jung Soo-yeon កើត​ឆ្នាំ ១៩៨៩) បញ្ចេញ​សម្រស់ ក្នុង​សម្លៀកបំពាក់ អាវយឺត មាន​រូប​ស្បែក​ខ្លា រួម​នឹង​ខោ​ខៅ​ប៊ោ​យ​វែង ប្រកបដោយ​ភាព​មាំមួន។ ស្បែកជើង​កីឡា​របស់​នាង ក៏បាន​រួមចំណែក ធ្វើឱ្យ​នាង កាន់តែ​រឹងមាំ។

នៅក្នុង​សប្ដាហ៍​កន្លង​នេះដែរ Suzy (Bae Su Ji កើត​ឆ្នាំ ១៩៩៤) របស់​ក្រុម MissA ប្រើប្រាស់​អាវយឺត​ដៃ​វែង សម​ជាមួយនឹង​សំពត់​លើ​ជង្គង់​ពណ៌​ខ្មៅ។ ក្រៅពីនេះ ស្បែកជើង​បា​ឡេ និង​កាបូប​ពណ៌​ខ្មៅ ក៏​ជួយ​ឱ្យជើង​ទាំង​គូ​របស់​នាង កាន់តែ.ស។